പ്രവാസത്തിന്റെ നാലര വർഷം
(സനൽ ഇടമറുക് 2016 ഡിസംബറിൽ എഴുതിയ ബ്ലോഗ്) -
2012 ജൂൺ 15 മറക്കാനാവാത്ത ദിവസമാണ്. മുംബൈയിൽ നിന്ന് ഡൽഹിയിലെത്തിയ അക്രമിസംഘത്തിന്റെ പിടിയിൽ പെട്ടേക്കുമെന്നും ഏതു നിമിഷവും കൊല ചെയ്യപ്പെട്ടേക്കുമെന്നും കരുതിയ ദിനങ്ങൾ!
പതിനഞ്ചാം തീയതി രാവിലെയാണ് യൂറോപ്പിലേക്ക് പെട്ടെന്നൊരു യാത്ര പരിഗണിക്കപ്പെടുന്നത്. 16-ന് രാവിലെ യാത്ര പുറപ്പെടുകയും ചെയ്തു. ജൂലൈ ആദ്യവാരം മുതൽ ഏതാണ്ട് ഒരു മാസം നീണ്ടു നിൽക്കുന്ന എന്റെ പ്രസംഗ പര്യടനത്തിനായി പോളണ്ടിലെ യുക്തിവാദികൾ തയ്യാറെടുക്കാൻ തുടങ്ങിയിട്ട് മാസങ്ങൾ കഴിഞ്ഞിരുന്നു. അതിനു മുന്പായി എന്നെ അറസ്റ്റു ചെയ്യുകയോ അപായപ