ഋതുഭേദങ്ങൾ

ശശീന്ദ്രൻ പി.എം.

കാലം തെറ്റി,

ഋതുഭേദങ്ങൾ മാറി

മാനം ഇരുണ്ടു

മനവുമിരുട്ടായ്... 

കനം തൂങ്ങും കാർമേഘങ്ങൾ 

കാരുണ്യമറ്റൊരു പേമാരിയായ്...

ദിശ തെറ്റിയ ദേശാടനക്കിളികൾ  

ലക്ഷ്യമറ്റു പറക്കുമ്പോൾ 

നില തെറ്റിയ മർത്യചിന്തകൾ

പാഠം മറന്നു യാത്ര തുടരുന്നു

മതാന്ധ ജീർണ ഭാണ്ഡം പേറും

വിഷലിപ്ത ചിന്തയിൽ

കണ്ണിയറ്റ മർത്ഥ്യബന്ധങ്ങൾ 

വിളക്കിച്ചേർക്കാൻ

ഇനിയെത്ര കാതം കാത്തിരിക്കും?